T20 World Cup 2026 : क्रिकेट ऑस्ट्रेलियाने २०२६ च्या टी२० विश्वचषकासाठी आपला मुख्य संघ जाहीर केला आहे. विशेषतः बोर्डाने पॅट कमिन्सला संघातून वगळल्यामुळे चाहत्यांमध्ये आणि क्रिकेट विश्वात मोठे आश्चर्य व्यक्त केले जात आहे
भारत आणि श्रीलंकेत होणाऱ्या टी२० विश्वचषक २०२६ साठी आता एक आठवडा शिल्लक आहे. ७ फेब्रुवारीपासून सुरू होणाऱ्या या स्पर्धेत एकूण २० संघ खेळतील, ज्यांचे प्रत्येकी पाच गटात विभाजन केले आहे.
ऑस्ट्रेलिया गट ब मध्ये आहे. या गटातील सर्व सामने श्रीलंकेत खेळले जातील. दुसरीकडे कमरेच्या ताणाच्या दुखापतीतून बरे होऊन टी२० विश्वचषकात खेळण्याची अपेक्षा असलेल्या पॅट कमिन्सचा प्राथमिक संघात समावेश करण्यात आला होता परंतु त्याला मुख्य संघातून वगळण्यात आले आहे.
संघात दोन बदल
पॅट कमिन्सच नव्हे तर मॅट शॉर्ट देखील मुख्य संघाचा भाग नाही. त्यांच्या जागी मॅट रेनशॉ आणि बेन द्वारशुईस यांची निवड करण्यात आली आहे.
मुख्य संघ
मिशेल मार्श (कर्णधार), झेवियर बार्टलेट, कूपर कॉनोली, टिम डेव्हिड, बेन द्वारशुईस, कॅमेरॉन ग्रीन, नाथन एलिस, ट्रॅव्हिस हेड, जोश हेझलवूड, जोश इंगलिस, मॅथ्यू कुहनेमन, ग्लेन मॅक्सवेल, मॅथ्यू रेनशॉ, मार्कस स्टोइनिस आणि अॅडम झांपा.
