Bank of Baroda Recruitment : बँक ऑफ बडोदा (BOB) ने विविध ४४१ पदांच्या भरतीसाठी अधिसूचना जारी केली आहे. यापैकी ४१८ पदे कायमस्वरूपी, तर २३ पदे कंत्राटी पद्धतीने भरली जाणार आहेत. अर्ज प्रक्रिया पूर्णपणे ऑनलाइन असून, इच्छुक व पात्रता १९ फेब्रुवारी २०२६ पर्यंत अर्ज करू शकतात.
काय आहे पात्रता?
उमेदवारांकडे बीई, बीटेक, एमई, एमटेक वा एमसीए पदवी असणे आवश्यक आहे. ही पदवी मान्यताप्राप्त विद्यापीठ वा महाविद्यालयातून असणे आवश्यक आहे. वेगवेगळ्या पदांसाठी पात्रता निकष थोडे बदलू शकतात.
वयोमर्यादा
या भरतीसाठी वयोमर्यादा १ जानेवारी २०२६ रोजी आधारित आहे. नियमित पदांसाठी किमान वय २२ वर्षे आहे. पदानुसार कमाल वय ३२ ते ३७ वर्षे असू शकते. कंत्राटी पदांसाठी, किमान वय २५ वर्षे आणि कमाल वय ४० वर्षे आहे.
निवड प्रक्रिया
- निवड प्रक्रिया अनेक टप्प्यात पूर्ण केली जाईल. नियमित पदांसाठी ऑनलाइन परीक्षा घेतली जाऊ शकते. ही परीक्षा उमेदवारांचे तांत्रिक ज्ञान, समज आणि योग्यतेचे मूल्यांकन करेल.
- काही पदांसाठी, उमेदवारांची निवड त्यांच्या शैक्षणिक पात्रता आणि कामाच्या अनुभवाच्या आधारे देखील केली जाऊ शकते. याव्यतिरिक्त, काही पदांसाठी, उमेदवाराचे वर्तन, विचार करण्याची क्षमता आणि कार्यनीती तपासण्यासाठी सायकोमेट्रिक चाचणी घेतली जाऊ शकते.
- शॉर्टलिस्ट केलेल्या उमेदवारांना वैयक्तिक मुलाखतीसाठी बोलावले जाईल. मुलाखतीत उमेदवाराची पदासाठी योग्यता आणि बँकेच्या आवश्यकतांचे पालन यांचे मूल्यांकन केले जाईल.
अर्ज कसा करावा
- उमेदवारांनी बँक ऑफ बडोदाच्या अधिकृत वेबसाइटला भेट द्यावी.
- वेबसाइटच्या करिअर किंवा चालू संधी विभागांतर्गत, तुम्हाला आयटी भरतीची लिंक मिळेल.
- लिंकवर क्लिक केल्यानंतर, उमेदवारांनी प्रथम नोंदणी करावी.
- अधिक माहिती सहज उपलब्ध व्हावी यासाठी वैध मोबाइल नंबर आणि ईमेल पत्ता वापरा.
- लॉग इन केल्यानंतर, उमेदवारांना त्यांची शैक्षणिक पात्रता, कामाचा अनुभव आणि इतर संबंधित माहिती प्रविष्ट करावी लागेल.
- त्यांना ओळखपत्र, जन्मतारीख पुरावा, पदवी प्रमाणपत्र आणि अनुभव प्रमाणपत्र यासारखी कागदपत्रे देखील अपलोड करावी लागतील.
- त्यानंतर उमेदवार त्यांच्या श्रेणीनुसार ऑनलाइन अर्ज शुल्क भरतील.
पदांचा तपशील : प्रामुख्याने स्पेशालिस्ट ऑफिसर (SO) व काही कंत्राटी पदे असून, अधिक माहितीसाठी https://bankofbaroda.bank.in/-/media/Project/BOB/CountryWebsites/India/Career/2026/26-01/Advertisement-IT-Regular-30-01-2026-29-32.pdf मूळ जाहिरात वाचावी.
