Nutrient Deficiency Hair Fall: केस गळणे ही आजकाल तरुणांपासून वृद्धांपर्यंत वाढत जाणारी समस्या आहे. वयानुसार, केस गळणे ही समान्य बाब वाटत असली तरी यामागे वैद्यकीय कारण आहे. केस गळण्यास अनेक घटक कारणीभूत ठरू शकतात, ज्यामध्ये चुकीची जीवनशैली, पौष्टिक आहाराची कमतरता, प्रदूषण आणि दूषित पाणी, हार्मोनल असंतुलन आणि रासायनिक उत्पादनांचा जास्त वापर यामुळे देखील केस गळण्याची समस्या निर्माण होऊ शकते.
तज्ञांच्या मते, केस गळणे हे केवळ शाम्पू किंवा आंघोळीमुळे होत नाही; बहुतेकदा, त्याचे मूळ कारण पौष्टिक आहाराची कमतरता देखील असते. योग्य जीवनसत्त्वे आणि पोषक तत्वे केसांची मुळे मजबूत करतात आणि केसांच्या वाढीस चालना देतात. म्हणून, विचार न करता पूरक आहार घेण्याऐवजी, प्रथम तुमच्याकडे असलेल्या पोषक तत्वांची कमतरता ओळखणे महत्वाचे आहे.
व्हिटॅमिन बी12
व्हिटॅमिन बी12 केसांच्या मुळांपर्यंत ऑक्सिजन पोहोचवण्यास मदत करते, ज्यामुळे केस निरोगी आणि मजबूत राहतात. त्यामुळे अंडी, दही, चीज, चिकन, मासे आदींचा आहारात समावेश करावा.
व्हिटॅमिन डी
व्हिटॅमिन डी केसांची मुळे मजबूत करण्यास आणि केसांच्या वाढीस चालना देण्यास मदत करते. दररोज सधारण अंदाजे 600 आययू व्हिटॅमिन डीचा आहारात समावेश करावा. यासाठी उन्हात वेळ घालवणे, अंड्याचा पिवळा भाग खाणे आणि सॅल्मन किंवा सार्डिनसारखे मासे खावे. यातून व्हिटॅमिन डीची कमतरता भरुन निघते.
सेलेनियम
सेलेनियम केसांचे आरोग्य आणि थायरॉईडचे कार्य सुरळीत राखण्यास मदत करते, ज्यामुळे केस गळणे कमी होऊ शकते. शरिराला दररोजची अंदाजे 30 ते 40 मायक्रोग्रॅम सेलेनियमची अवश्यकता असते. यासाठी ब्राझील नट्स, मासे, सूर्यफुलाच्या बिया आणि बाजरी आणि बाजरीसारखे धान्याचे सेवन लाभदायक ठरते.
ओमेगा-3
ओमेगा-3 केसांच्या कूपांमधील सुज कमी करण्यास आणि केस तुटण्यापासून रोखण्यास मदत करतात. शरिराला दररोज 1 ते 1.6 ग्रॅम ओमेगा-3 ची गरज असते. अळशीच्या बिया, चिया सीड्स, अक्रोड आणि चरबीयुक्त मासे हे ओमेगा-3 चे चांगले स्रोत आहेत.
प्रथिने
याव्यतिरिक्त, प्रथिने हे केसांच्या मजबुतीसाठी एक महत्त्वाचा घटक आहे. शरीराच्या वजनाच्या प्रति किलोग्रॅम प्रथिनांचे सेवन अंदाजे 0.83 ग्रॅम असते. मसूर, राजमा, चणे, कॉटेज चीज, टोफू, अंडी आणि व्हे प्रोटीन हे प्रथिन्यांचे चांगले स्रोत आहेत.
तज्ज्ञांचा सल्ला घ्या
तज्ज्ञांच्या मते, जर तुम्हाला जास्त केस गळत असतील तर फक्त घरगुती उपाय किंवा पूरक आहारांवर अवलंबून राहू नका. प्रथम, तुमच्या शरीरात कोणत्या पौष्टिक तत्वांची कमतरता आहेत ते तपासा त्यानुसार आहाराचे नियोजन करा. योग्य पोषण केसांची वाढ सुधारू शकते.
(डिस्क्लेमर : सदरचा लेख हा उपलब्ध स्रोतनुसार आहे. अधिक माहितीसाठी तज्ज्ञांचा सल्ला घ्यावा.)
