Jalgaon Crime News: गावठी कट्ट्यातून गोळी सुटून एका तरुणाचा जागीच मृत्यू झाला आहे, या घटनेने खळबळ उडाली असून, गावठी कट्ट्याबाबत माहिती देत असतांच बंदुकीतून गोळी थेट तरुणाला लागल्याने त्याचा जागीच मृत्यू झाला. मयत तरुणाचे नाव सुरेश महाजन असून मित्रासोबत गप्पा मारतांना ही घटना घडल्याचे सांगण्यात येते. तो मंडप व्यवसायाशी निगडित होता. याप्रकरणी अमळनेर पोलिसांनी संशयित आरोपीला ताब्यात घेऊन गुन्हा दाखल केला आहे. या घटनेने अमळनेर हादरले आहे.
मिळालेल्या माहितीनुसार, शुक्रवारी रात्री साडेनऊच्या सुमारास ही घटना घडली. भूषण महाजन आणि अरुण महाजन हे दोघे चांगले मित्र आहे. अरुण हा आपल्या काही मित्रांसोबत माळीवाडा परिसरात गप्पा मारत बसला होता. यावेळी त्याचा मित्र भूषण महाजन त्या थाईकानी आला आणि आपल्याजवळील गावठी कट्ट्याबद्दल माहिती देत होता. माहिती देण्याच्या नादात बंदुकीतून कधी गोळी झाडली गेली हे लक्षात आले नाही, कट्ट्यातून मिसफायर झाल्याने गोळी थेट अरुणच्या छातीत घुसलीआणी अरुण खाली कोसळला.
अरुण रक्ताच्या थारोळ्यात पडला त्याला तातडीने एका खासगी रुग्णालयात उपचारासाठी नेण्यात आले, मात्र डॉक्टरांनी तपासणी केल्यावर त्याला मृत घोषित केले. या घटनेने परिसर हादरला आहे, या घटनेनंतर पोलिसांनी घटनास्थळी धाव घेतली. पोलीस निरीक्षक दत्तात्रय निकम यांनी पथकासह रुग्णालयात धाव घेत याप्रकरणाची माहिती घेतली. रुग्णालयाबाहेर अरुणच्या नातेवाईक आणि नागरिकांनी मोठी गर्दी केली.
पोलिसांनी तपासाचे चक्रे फिरवून भूषण महाजन याला ताब्यात घेऊन त्याच्या विरोधात खुनाचा गुन्हा दाखल केला आहे. प्राथमिक तपासात हा घात आहे की अपघात याचा प्राथमिक तपास पोलीस करत आहेत. संशयित भूषण यांच्याकडे गावठी कट्टा कोठून आला, तसेच त्याचे गुहेगारी रिकॉर्ड आहे का याचा हे तपास सुरू आहे. पोलीस पुढील तपास करत आहेत
