Stock Market Today: शुक्रवारी, १३ मार्च रोजी सकाळी शेअर बाजाराची सुरुवात नकारात्मक झाल्याचे पाहायला मिळाले. प्रमुख बेंचमार्क निर्देशांक बीएसई सेन्सेक्स आणि एनएसई निफ्टी ५० हे लाल निशाणावर व्यवहार करत उघडले. त्यात शेअर बाजार ६४५ अंकांनी घसरल्याने गुंतवणुकदारांना मोठा झटका बसला आहे. सकाळी सुमारे साडेवाजेपर्यंत सेन्सेक्स ५६६ अंकांच्या घसरणीसह ७५,४६७ या पातळीवर व्यवहार करत होता. तर निफ्टी ५० देखील १८५ अंकांनी घसरून २३,४५३ या पातळीवर ट्रेड करत होता.
अमेरिका- इस्रायल-इराण युद्धाचा परिणाम सर्व स्थरावर हळूहळू दिसू लागला आहे. आंतरराष्ट्रीय बाजारात कच्च्या तेलाच्या वाढत्या किमतीमुळे महागाई वाढण्याची शक्यता निर्माण झाली असून त्याचा दबाव शुक्रवारी आशियाई शेअर बाजारात दिसून आला आहे. व्यवहारादरम्यान दक्षिण कोरियामध्ये कोस्पी निर्देशांक सुमारे ३ टक्क्यांनी खाली आला. जपानचा निक्केई २२५ निर्देशांक जवळपास २ टक्क्यांनी घसरला, तर टॉपिक्स निर्देशांक ही सुमारे १.४ टक्क्यांची घसरण झाली. याशिवाय हाँगकाँगच्या हँग सेंग निर्देशांकाचे ही घसरणीचे संकेत होते.
भारतीय शेअर बाजारात गुरुवारी रोजीच्या व्यवहारात मोठी घसरण पाहायला मिळाली. प्रमुख बेंचमार्क निर्देशांक बीएसई सेन्सेक्स आणि एनएसई निफ्टी ५० हे दोन्ही निर्देशांक लाल निशाणावर व्यवहार करत दिवसाची समाप्ती झाली.
आशियाई बाजारांवर परिणाम
कच्च्या तेलाच्या वाढत्या किमतीमुळे महागाई वाढण्याची शक्यता निर्माण झाली असून त्याचा दबाव शुक्रवारी आशियाई शेअर बाजारांवर दिसून आला. व्यवहारादरम्यान दक्षिण कोरियामध्ये कोस्पी निर्देशांक सुमारे ३ टक्क्यांनी खाली आला. जपानचा निक्केई २२५ निर्देशांक जवळपास २ टक्क्यांनी घसरला, तर टॉपिक्स निर्देशांकात सुमारे १.४ टक्क्यांची घसरण झाली.याशिवाय हाँगकाँगच्या हँग सेंग निर्देशांकाचीही सुरुवात कमकुवत होण्याचे संकेत मिळाले.
