Mumbai News: देशभर स्वातंत्र्य दिवस साजरा होत असतांनाच मुंबईतून एक वेगळीच घटना शनिवारी समोर आली आहे. मुंबईतील कुलाबा येथील नेव्ही नगरमध्ये भारतीय नौदलातील एक कर्मचारी त्यांची पत्नी आणि दोन मुले त्यांच्या घरात मृतावस्थेत आढळल्याने खळबळ उडाली. या घटनेनंतर पोलिसांनी तपास सुरू केला आहे. भारतीय नौदलानेही या प्रकरणात पोलिसांना सर्वतोपरी सहकार्य करण्याचे आश्वासन दिले आहे. मृत्यूचे कारण आणि घटनेमागील परिस्थिती जाणून घेत त्यादृष्टीने तपास सुरू आहे.
नेमकी घटना काय?
दरम्यान १५ ऑगस्ट रोजी संपूर्ण देश स्वातंत्र्यदिनाच्या सोहळ्यात मग्न असताना, मुंबईतील कुलाबा येथील नेव्ही नगरमध्ये एक दुःखद घटना घडली. भारतीय नौदलातील एक खलाशी, त्यांची पत्नी आणि दोन मुले त्यांच्या घरात मृतावस्थेत आढळले. घटनेची माहिती मिळताच पोलीस घटनास्थळी दाखल झाले आणि त्यांनी तपास सुरू केला. भारतीय नौदलानेही ही घटना गांभीर्याने घेतली असून तपासात सर्वतोपरी सहकार्य करण्याचे आश्वासन दिले आहे.
पोलिसांच्या माहितीनुसार, नेव्ही नगर येथील त्यांच्या निवासस्थानी एक खलाशी आणि त्याचे कुटुंबीय मृतावस्थेत आढळल्याची माहिती मिळाली. एकाच कुटुंबातील चार सदस्यांच्या मृत्यूमुळे परिसरात दुःख आणि चिंतेचे वातावरण निर्माण झाले आहे. पोलीस सध्या या प्रकरणाच्या सर्व पैलूंचा तपास करत असून, कुटुंबासोबत नेमके काय घडले याचा शोध घेण्याचा प्रयत्न करत आहेत.
घटनेची कारणे अद्याप उघड नाहीत
पोलीस या प्रकरणाचा विविध अँगलने तपास करत आहेत. अधिकाऱ्यांनी अद्याप चौघांच्या मृत्यूच्या सभोवतालच्या परिस्थितीबद्दल स्पष्टीकरण दिलेले नाही. तपास पुढे जात असताना, पोलीस घटनाक्रमाची जुळवाजुळव करत आहेत. धागेदोरे शोधण्याचा प्रयत्न करत आहेत.
तपासात नौदलाकडून सहकार्याचे आश्वासन
दरम्यान या घटनेवर भारतीय नौदल लक्ष ठेवून आहे. भारतीय नौदलाने या दुःखद घटनेबद्दल शोक व्यक्त केला असून, तपासात पोलिसांना सर्वतोपरी सहकार्य करत असल्याचे म्हटले आहे. नौदलाच्या निवासी परिसरात घडलेल्या या घटनेमुळे सुरक्षा आणि कल्याणाबाबतही प्रश्न निर्माण झाले आहेत. तसेच, तपास पूर्ण होण्यापूर्वी कोणताही निष्कर्ष काढणे घाईचे ठरेल.
