Cockroch Janta Party: नीट पेपर फुटीप्रकरणी नवी दिल्लीमध्ये सुरू असलेल्या आंदोलनाला आता विरोधकांचं राजकीय बळ मिळताना दिसत आहे. एकीकडे राहुल गांधी हे त्यांच्या खासदारांसह पंतप्रधान नरेंद्र मोदी यांच्या निवासस्थानी धडकले आहेत तर त्याचवेळी शरद पवार (Sharad Pawar) हेदेखील विद्यार्थ्यांसाठी मैदानात आले आहेत. शरद पवार हे दिल्लीतील जंतर मंतर (Delhi Jantar Mantar Protest) मैदानावर पोहोचले आहेत. यावेळी शरद यांनी आंदोलकांशी चर्चा केली आणि त्यांच्याकडून माहिती घेतली. शरद पवारांनी यावेळी विद्यार्थ्यांना केलेल्या मारहाणीवर चिंता व्यक्त केल्याचं दिसून आले.
दरम्यान जंतरमंतरवर झालेल्या लाठीचार्ज नंतर तरुणांची भेट घेण्यासाठी खा.शरद पवार आंदोलनाच्या ठिकाणी पोहचले. पवारांनी अभिजीत दिपके (Abhijeet Dipke) यांच्याशी चर्चा केली. यावेळी पोलिसांनी विद्यार्थ्यांवर कसे अत्याचार केले, त्यांना कसे मारहाण केली याची माहिती दिली. पेपर लीक होऊनसुद्धा, लाखो विद्यार्थ्यांचे भवितव्य अंधारात जाऊनसुद्धा शिक्षण मंत्र्यावर कोणतीही कारवाई केली जात नाही, अशी तक्रार अभिजीत दिपके यांनी यावेळी शरद पवारांकडे केली.
