Gold News: पंतप्रधान नरेंद्र मोदी यांनी दोन दिवसापूर्वी वर्षभर सोनं खरेदी करू नका, असे देशवासियांना आवाहन केले होते. त्यांच्या आवाहनानंतर केंद्र सरकारने रात्रीतून मोठा निर्णय घेत जनतेला मोठा धक्का दिला आहे. सरकारने सोन्यावर लागणारे आयात शुल्क वाढवले आहे. आयात शुल्क 6 टक्क्यांवरुन 15 टक्के केले आहे. सरकारच्या या निर्णयाने आता सोने-चांदीचे दर 8808 रुपयांनी वाढले आहे. एमसीएक्सवर आजचे सोन्याचे दर 162399.00, सोने 8959.00 रुपयांनी वाढले आहे, ही वाढ ५.८४ टक्के इतकी नोंदवण्यात आली आहे. त्यानंतर मंगळवारी 153442.00 सोने बाजार बंद झाले होते. सकाळी बाजार उघडले तेव्हा सोने दर 154851.00 इतका होता, दुपारच्या सत्रात सोन्याच्या दारात वाढ झाली. त्यामुळे आता सर्वसामान्यांच्या खर्चात वाढ होणार आहे.
सोने चांदीचे दर वाढल्याने थेट सर्वसामान्यांच्या खिशावर परिणाम होणार आहे. सरकारने सोने-चांदीवर आयात शुल्क वाढवण्याची घोषणा केली आहे. सोने, चांदी आणि इतर अनेक धातूंवरील आयात शुल्क वाढवल्याची घोषणा केली आहे. अर्थ मंत्रालयाने मंगळवारी याबाबत माहिती दिली. आजपासून हे नवीन शुल्क लागू होणार आहे, असे सांगण्यात आले आहे. केंद्र सरकारने आयात शुल्क वाढवल्याने सोने-चांदीचे दर वाढल्याचे दिसून आलं आहे. परदेशात सोन्याच्या दरात चांगलीच वाढ होण्याचे संकेत मिळत असल्याने त्याचा थेट परिणाम ग्राहकांच्या खिशावर होणार आहे आहे.
सरकारने आयात शुल्क वाढवले
सरकारने आयात शुल्क वाढले असून ते 6 टक्क्यांवरुन 15 टक्के करण्याचा निर्णय घेतला आहे. बेसिक कस्टम ड्यूटी 5 टक्क्यांनी वाढवून 10 टक्के केली आहेत. यानंतर कृषी पायाभूत आणि विकास शुल्कात 1 टक्क्यांनी वाढ केली आहे. हे शुल्क आता 5 टक्के करण्यात आले आहे. तसेच युएई येथील कोट्यातून आयात होणाऱ्या सोन्यावर देखील सर्वात जास्त आयात शुल्क मोजावे लागणार आहे.
