Jalgaon News: गेल्या अनेक दिवसांपासून जळगावकर दमदार पावसाच्या प्रतीक्षेत आहे. मंगळवारी जळगाव जिल्ह्यातील भडगाव, दहीगाव येथे पावसाने हजेरी लावली आहे. उर्वरित जळगावमध्ये पावसाने उघडीप दिली आहे. हवामान विभागाने पुढील दोन दिवस ३ व ४ सप्टेंबर रोजी जळगावला मुसळधार पावसाचा येलो दिला आहे. येथे काही ठिकाणी विजांचा कडकडाट, हलका ते मध्यम पाऊस आणि सोसाट्याचा वारा (ताशी ३०-४० किमी) यांसह वादळी पाऊस पडण्याची शक्यता आहे. जळगावमध्ये पावसाने दडी मारल्याने जिल्ह्या अद्याप दमदार पावसाची आवश्यकता आहे.
३ सप्टेंबरला २ जिल्ह्यांना ऑरेंज तर ११ जिल्ह्यांना येलो अलर्ट
दरम्यान गडचिरोली आणि गोंदिया या दोन जिल्ह्यांना हवामान खात्याने मुसळधार व अतिमुसळधार पावसाचा ऑरेंज अलर्ट दिला आहे. गुरुवारी ३ सप्टेंबर रोजी जळगाव, छत्रपती संभाजीनगर, अकोला, अमरावती,भंडारा बुलढाणा, चंद्रपूर नागपूर, वर्धा, वाशीम यवतमाळ या अकरा जिल्ह्याना हवामान विभागाने मुसळधार पावसाचा येलो अलर्ट दिला आहे.
दरम्यान पुढील दोन दिवस ३ व ४ सप्टेंबर रोजी हवामान विभागाने कोकण, मध्य महाराष्ट, मराठवाडा, विदर्भात येलो अलर्ट दिला आहे. मध्य महाराष्ट्रात व विदर्भात काही ठिकाणी मुसळधार पावसाची शक्यता आहे. असून काही ठिकाणी विजांच्या कडकडाटासह वादळ होण्याची शक्यता आहे.
