America israel and Iran conflict: अमेरिका अणे इराण यांच्यात पुन्हा एकदा वाटाघाटी सुरू होत आहे, पाकिस्तान येथील इस्लामाबाद मध्ये दोन्ही देशांच्या वार्तांकारांमध्ये चर्चा होणार आहे. अमेरिकेचे राष्ट्राध्यक्ष डोनाल्ड ट्रम्प हे त्यांचे विशेष दूत म्हणून स्टीव्ह विटकॉफ आणि जेरेड कुशनेर यांना इराणसोबतच्या चर्चेसाठी शनिवारी पाकिस्तानला पाठवत आहे, असे व्हाईट हाऊसने शुक्रवारी सांगितले. इराणचे परराष्ट्र मंत्री अब्बास अराघची यांचे पाकिस्तानमध्ये आगमन झाल्यानंतर काही वेळातच, त्यांच्या सरकारने स्पष्ट केले की, या भेटीदरम्यान अमेरिकन सरकारच्या प्रतिनिधींशी कोणतीही थेट चर्चा होणार नाही. उपराष्ट्राध्यक्ष जे.डी. व्हान्स हे प्रवासासाठी सज्ज असतील, असे व्हाईट हाऊसने नमूद केले. असे वृत्त असोशिएटेड प्रेसने दिले आहे.
पाकिस्तान मध्ये इराण अणे अमेरिकेचे वार्ताकार येणार असल्याने पाकिस्तानात कडेकोट बंदोबस्त ठेवण्यात आला आहे. त्यामुळे इस्लामाबाद मध्ये शाळांना देखील सुट्टी देण्यात आली, तसेच इस्लामाबाद येथे सर्वत्र लॉकडाऊन सारखी परिस्थिती नाही, दरम्यान व्हाईट हाऊसमध्ये झालेल्या बैठकीतील चर्चेनुसार, इस्रायल आणि लेबनॉन यांनी इस्रायल व हिजबोल्ला यांच्यातील शस्त्रसंधीचा कालावधी तीन आठवड्यांनी वाढवण्यास सहमती दर्शवली आहे, असे ट्रम्प यांनी गुरुवारी सांगितले. गेल्या आठवड्यापासून या दोन देशांमधील ही दुसऱ्या उच्च-स्तरीय चर्चेची फेरी होती. गेल्या शुक्रवारी अंमलात आलेली, सुरुवातीची १० दिवसांची शस्त्रसंधी सोमवारी संपुष्टात येणार होती.
ट्रम्प प्रशासन चीनस्थित एका प्रमुख तेल शुद्धीकरण प्रकल्पावर, तसेच इराणच्या तेलाची वाहतूक करणाऱ्या सुमारे ४० जहाज कंपन्या आणि टँकर्सवर आर्थिक निर्बंध लादत आहे. शुक्रवारी जाहीर करण्यात आलेल्या या निर्णयामुळे, इराणशी व्यापार करणाऱ्या संस्थांवर ‘दुय्यम निर्बंध’ लादण्याच्या प्रशासनाच्या इशाऱ्याची प्रत्यक्ष अंमलबजावणी झाली आहे; इराणच्या महसुलाचा मुख्य स्रोत असलेल्या तेल निर्यातीला रोखण्याच्या उद्देशाने हे पाऊल उचलण्यात आले आहे.
मध्यपूर्वेतील युद्धामुळे जेट इंधनाच्या पुरवठ्यावर ताण येत असल्याने आणि त्याच्या किमती वाढत असल्याने, जगभरातील विमान कंपन्यांनी आपली उड्डाणे रद्द करण्यास सुरुवात केली आहे.
