Cockroach Janta Party: अल्पावधीतच नावारूपाला आलेल्या कॉकरोच जनता पार्टीने धमाल उडवून दिली आहे, देशातील बेरोजगार आणि इतर लोक पक्षाला फॉलो करून फॉलोवर्सने देखील कमाल केली आहे. आजकाल ‘कॉकरोच जनता पार्टी’ हे अनोखे नाव सोशल मीडियावर चर्चेचा विषय बनले आहे. आश्चर्याची गोष्ट म्हणजे, ते सुरू झाल्याच्या अवघ्या सहा दिवसांतच १ कोटी ३६ लाख पेक्षा जास्त लोकांनी या पक्षाला इंस्टाग्रामवर फॉलो केले आहे. फॉलोअर्सच्या बाबतीत, या पक्षाने भाजप आणि काँग्रेसच्या अधिकृत इंस्टाग्राम खात्यांनाही मागे टाकले आहे. राजकीय पक्षांना ही मागे टाकल्याने सध्या देशभर या हॅण्डलची चर्चा आहे.
२१ मे रोजी, या खात्याने इंस्टाग्राम या सोशल मीडिया प्लॅटफॉर्मवर १ कोटी ३६ लाख फॉलोअर्सचा टप्पा ओलांडला. दरम्यान, केंद्रातील सत्ताधारी भाजपचे अधिकृत इंस्टाग्राम हँडल, @bjp4india, चे सुमारे ८८ लाख फॉलोअर्स आहेत. तर दुसरीकडे, विरोधी पक्ष काँग्रेसच्या अधिकृत इंस्टाग्राम खात्यावर, @incindia, सुमारे १ कोटी ३३ लाख दशलक्ष फॉलोअर्स आहेत. इंस्टाग्रामवरील या हॅण्डलचे यश बघून ते नेमके कोणी सुरू केले आहे, आणि त्याचा उद्देश काय हे जाण्याचा ही बरेच जण प्रयत्न करीत आहेत.
सर्वोच्च न्यायालयाचे न्यायधीश सूर्यकांत यांनी बेरोजगार युवकांसाठी झुरळ शब्दाचा वापर केला होता, त्यानंतर युवकांमध्ये नाराजीची भावना होती. अशाच नाराज युवकांची नस पडून अभिजित दिपके नावाच्या युवकाने कॉकरोच जनता पार्टी नावाने इन्स्टा खाते सुरू केले, झेन-झेडच्या पसंतीचे असलेल्या फ्लॅटफॉर्मवर या खात्याला अवघ्या सहा दिवसात १ कोटी पेक्षा जास्त फॉलोवर्स मिळाले आहे. त्याला खा. महुआ मोईत्रा आणि मा.खा.कीर्ती आझाद यांनीही पाठींबा दिला आहे.
