Iran Us War: इस्रायल आणि अमेरिका यांच्यातील वाढत्या सार्वजनिक मतभेदांमुळेही युद्धविरामावर करावा असा दबाव इस्रायल येत आहे. ‘ॲक्सिऑस’च्या वृत्तानुसार, अमेरिकेचे अध्यक्ष डोनाल्ड ट्रम्प यांनी इस्रायलचे पंतप्रधान बेंजामिन नेतन्याहू यांना “सावध” राहण्याचा इशारा दिला आहे, कारण सततच्या हल्ल्यांमुळे युद्धविराम अडथळे येण्याची शक्यता आहे.
दरम्यान इराण आणि इस्रायलने एकमेकांवरील प्रतिहल्ले थांबवले आहेत, ज्यामुळे ८ एप्रिलपासून लागू असलेला नाजूक युद्धविराम धोक्यात येण्याची शक्यता होती, परंतु तणाव अजूनही कायम आहे. तेहरानने इशारा दिला आहे की, जर इस्रायलने लेबनॉनवरील हल्ल्यांसह आपले हल्ले सुरूच ठेवले, तर पुन्हा लढाई सुरू होऊ शकते.
इराणचे संसदीय अध्यक्ष, मोहम्मद बागेर गालिबाफ म्हणाले की, इस्रायलकडून वारंवार होणारे उल्लंघन हे दर्शवते की “विश्वास निर्माण करण्याची खरी इच्छा नाही”. त्यांनी इशारा दिला की युद्धविराम नाजूक स्थितीत आहे आणि तो मोडला जाऊ शकतो. असा इशारा दिला.
सध्याच्या घडामोडी:
इस्रायलने सांगितले की, त्यांनी सोमवारी नैऋत्येकडील महशहर पेट्रोकेमिकल कॉम्प्लेक्सला लक्ष्य केले, जे इराणच्या सर्वात महत्त्वाच्या औद्योगिक केंद्रांपैकी एक आहे. इराणी माध्यमांनी कोणतीही जीवितहानी झाली नसल्याचे वृत्त दिले आहे, तर अधिकारी नुकसानीची व्याप्ती आणि संभाव्य आर्थिक नुकसानीचे मूल्यांकन करत आहेत.
युद्धतील नैतिकता
अमेरिकेतील इस्रायलचे राजदूत येचिएल लेटर म्हणाले की, वॉशिंग्टन आणि तेहरान यांच्यातील वाटाघाटींचा “लेबनॉनशी काहीही संबंध नाही”, आणि इराण या दोन मुद्द्यांना जोडण्याचा प्रयत्न करत असल्याचा आरोप त्यांनी केला. फॉक्स न्यूजशी बोलताना लेटर म्हणाले की, हिजबुल्लाहविरुद्धची इस्रायली कारवाई अमेरिका-इराण चर्चेपासून वेगळी आहे आणि त्यांनी इशारा दिला की, “जर लेबनॉन इराणशी जोडलेले राहिले, तर त्याचे भविष्य नसेल”.
विश्लेषकांच्या मते, ट्रम्प यांनी संयम बाळगण्याचे आवाहन करूनही इराणवर नवीन हल्ले करण्याचा इस्रायलचा निर्णय अमेरिकेला हा संदेश देण्यासाठी होता की, तेहरानसोबतचा कोणताही चिरस्थायी करार इस्रायलच्या हिताकडे दुर्लक्ष करू शकत नाही. लष्करी इतिहासकार डॅनी ऑर्बॅक म्हणाले की, हे हल्ले वॉशिंग्टनला एक संदेश होता की, जर इस्रायलला वाटले की त्यांच्या सुरक्षेच्या चिंतेकडे दुर्लक्ष केले जात आहे, तर त्यांच्याकडे वाटाघाटींमध्ये व्यत्यय आणण्याची क्षमता आहे.
