America and Iran Conflict: अमेरिकेच्या इराणवरील हल्ल्याने पश्चिम आशियातील परिस्थिती आणखी भडकली आहे. इराणने देखील हल्ले सुरू केले आहे. इराणच्या ‘आयआरजीसी’ ने म्हटले की, कुवेतमध्ये अमेरिकेच्या जमिनीवरून जमिनीवर मारा करणाऱ्या क्षेपणास्त्रांच्या तळाला लक्ष्य करण्यात आले; यात “दोन ‘हायमार्स’ (HIMARS) क्षेपणास्त्र लाँचर्स (Anti Missile Defence Systems) आणि क्षेपणास्त्रांनी भरलेली गोदामे यांना आग लावून ती पूर्णपणे नष्ट करण्यात आली. असा दावा ‘आयआरजीसी’ने केला आहे. ते म्हणाले की, आज सकाळी त्यांच्या प्रत्युत्तराच्या कारवाईच्या चौथ्या टप्प्यात कुवेतवर हे हल्ले करण्यात आले.
ओमानमधील रडार नष्ट केल्याचाही दावा
‘आयआरजीसीने’ (IRGC) इशारा दिला की, “हॉर्मुझची सामुद्रधुनी (Strait of Hormuz) जहाजांच्या वाहतुकीसाठी खुली करण्याचा एकमेव मार्ग म्हणजे या भागात अमेरिकन सैन्याचा हस्तक्षेप थांबवणे आणि देशांच्या त्यांच्या स्वतःच्या किनारपट्टीवरील जलक्षेत्रावरील सार्वभौमत्वाचा आदर करणे हा आहे. हा हस्तक्षेप सुरू राहिल्यास जागतिक तेल आणि वायू क्षेत्रात अधिक गंभीर घटना घडू शकतात, असे नमूद केले आहे.
त्यांनी सांगितले की, बहरीनमधील जुफैर (Juffair) येथील “आक्रमक अमेरिकन सैन्याच्या आस्थापना आणि पायाभूत सुविधा” तसेच ओमानमधील “एफपीएस (FPS) लांब पल्ल्याचे हवाई रडार आणि जहाज शोधणारे रडार” यांना लक्ष्य करून क्षेपणास्त्र व ड्रोन हल्ले करण्यात आले. ‘आयआरजीसी’चे म्हटले की, आज सकाळी त्यांच्या प्रत्युत्तराच्या कारवाईच्या चौथ्या टप्प्यात कुवेतवर हल्ले करण्यात आले. क्षेपणास्त्र लाँचर्स आणि क्षेपणास्त्रांनी भरलेली गोदामे यांना आग लावून ती पूर्णपणे नष्ट करण्यात आली, असे वृत्त अल जंजिरानेही दिले आहे.
