Mumbai News: महाराष्ट्र एसआयआर:(SIR) मोहीम आता अंतिम टप्प्प्याकडे सरकली आहे. महाराष्ट्रातील ३६ जिल्ह्यांमध्ये विशेष सखोल पुनरीक्षण (एसआयआर) अंतर्गत मसुदा मतदार यादी प्रसिद्ध झाल्यानंतर, नवीन मतदारांचा समावेश, हरकत आणि दुरुस्त्यांशी संबंधित ६,२४,०५४ अर्ज प्राप्त झाले. अंतिम यादी आता १६ नोव्हेंबर रोजी प्रसिद्ध करण्यात येणार आहे.
तसेच राज्याच्या मुख्य निवडणूक अधिकाऱ्यांच्या कार्यालयाकडून मिळालेल्या माहितीनुसार, ३१ ऑगस्ट ते ४ ऑक्टोबर दरम्यान, यामध्ये ६,०५,०९७ फॉर्म-६, ११,२५१ फॉर्म-७ आणि ७,७०६ फॉर्म-८ यांचा समावेश होता. पुण्यात सर्वाधिक ५६,६०५ अर्ज प्राप्त झाले, त्याखालोखाल ठाण्यात ४६,३७३, मुंबई उपनगरात ३८,०९४, नाशिकमध्ये ३२,६९१ आणि जळगावमध्ये २८,३९७ अर्ज प्राप्त झाले. नागपूरला १६,००९, मुंबई शहराला १३,८५८ आणि पालघरला १४,४४८ अर्ज प्राप्त झाले, तर सिंधुदुर्गात सर्वात कमी २,३९४ अर्ज आले.
३१ ऑगस्ट रोजी प्रसिद्ध झालेल्या मसुदा यादीत ९७,८५४,०४९ मतदारांपैकी ७७,१६५,५६२ नावांचा समावेश होता आणि २०,६८८,४८७ मतदार एएसडीडीओ (ASDDO) प्रवर्गात होते. दावे आणि आक्षेपांसाठीची मुदत १२ ऑक्टोबरपर्यंत वाढवण्यात आली असून, अंतिम यादी १६ नोव्हेंबर रोजी प्रसिद्ध केली जाईल.
