Ganesh Festival 2026: गणेश चतुर्थी यंदा १४ सप्टेंबर रोजी असल्याने गणेशाच्या आगमनाची तयारी सुरू झाली आहे. गणेश भक्तांमध्ये उत्साह दिसून येत आहे. बाप्पाला आपल्या घरी आणण्यासाठी घरगुती गणेश आणि सार्वजनिक गणेशात्सव समित्यांची तयारी जोरात सुरू असून सध्या मूर्ती आणि डेकोरेशवर भर दिला जात आहे. सर्वच भक्तगण बाप्पाच्या स्वागतासाठी आतुरले आहे. दहा दिवसांचा गणरायाचा मुक्काम हा सर्व विघ्न दूर करून आनंद आणि चैतन्याचे वातावरण निर्माण करत असतो. म्हणून गणेश हे विघ्नहर्ता तसेच बुद्धी, समृद्धी आणि नवीन कार्यांच्या प्रारंभाचे दैवत मानले जातात.
गणेश उत्सवात घरी देखील मोठ्या उत्साहात आनंदात प्रतिष्ठापना होते. त्यानिमित्त स्थापनानेनंतर पूजेचे नियोजन करणे गरजेचे असते, किंवा तुम्ही सार्वजनिक गणेशत्सव जरी साजरा करत असाल तरीही ‘गणपती स्थापना मुहूर्त’ आणि ‘विसर्जन वेळापत्रक’ माहित असणे गरजेचे आहे. त्यामुळे स्थापना वेळ महत्त्वाची ठरते. या दरम्यान प्रत्येक विधी अत्यंत शुभ वेळी पार पाडणे गरजेचे असते.
खालील मार्गदर्शिकेमध्ये तुम्हाला ‘गणेश चतुर्थी २०२६’ची तारीख, ‘मध्यान्ह स्थापना मुहूर्त’, विसर्जनाच्या तारखा आणि एक संदर्भ-कॅलेंडर मिळेल, ज्यामुळे तुम्हाला कुटुंब आणि मित्रांसोबत उत्सवाचे नियोजन करण्यास मदत होईल. गणेश चतुर्थी २०२६ ची तारीख गणेश चतुर्थीचा हा शुभ उत्सव खालील दिवशी साजरा केला जाईल.
सोमवार, १४ सप्टेंबर २०२६
हा दिवस भगवान गणेशाच्या आगमनाचा (अवतार) दिवस मानला जातो. घरे, मंदिरे, कार्यालये आणि सार्वजनिक मंडपांमध्ये गणपतीची मूर्ती स्थापन करण्यासाठी हा दिवस अत्यंत शुभ मानला जातो. वाजत गाजत गणरायाचे आगमन होते. गणपती बाप्पा मोरयाचा जयघोष केला जातो.
गणपती स्थापना मुहूर्त २०२६
गणेश चतुर्थीच्या दिवशी केल्या जाणाऱ्या सर्वात महत्त्वाच्या विधींपैकी एक म्हणजे भगवान गणेशाच्या मूर्तीची स्थापना.ही विधिवत स्थापना मुहूर्त’
सकाळी ११:०२ ते दुपारी १:३१ दरम्यान राहणार आहे. हा कालावधी ‘मध्यान्ह काळ’ म्हणून ओळखला जातो आणि तो अत्यंत शुभ मानला जातो; कारण धार्मिक ग्रंथांनुसार, भगवान गणेशाचा प्रादुर्भाव याच काळात झाला होता. भक्तांना सल्ला दिला जातो की, शक्य असल्यास या मुहूर्तादरम्यान खालील विधी पूर्ण करावेत:
गणपती स्थापना कार्यक्रम
*प्राणप्रतिष्ठा, गणेश पूजा मोदक आणि दुर्वा अर्पण करणे,
*आरती
*गणेश चतुर्थी २०२६ उत्सव कॅलेंडर
*कार्यक्रम
*तारीख
*दिवस
गणेश स्थापना अन् विसर्जन
*14 सप्टेंबर 2026 सोमवार
*दीड दिवस – विसर्जन १५ सप्टेंबर २०२६ मंगळवारी सायं
*३-दिवसीय विसर्जन १७ सप्टेंबर २०२६ गुरुवार
*५-दिवसीय विसर्जन १९ सप्टेंबर २०२६ शनिवार
*७-दिवसीय विसर्जन २१ सप्टेंबर २०२६ सोमवार
*गौरी विसर्जन (प्रादेशिक) २२-२३ सप्टेंबर २०२६
*अनंत चतुर्दशी-१० दिवसीय गणेश विसर्जन २५ सप्टेंबर २०२६
शुक्रवारी कॅलेंडरवरील वेळेनुसार कुटुंबांना त्यांच्या परंपरा आणि सोयीनुसार विसर्जन दिवस निवडण्याची परवानगी असते. विविध विसर्जन दिवस समजून घेणे महत्त्वाची असते.
