Latest Weather News: कोकणला मुसळधार पावसाचा इशारा दिला आहे. रत्नागिरी, रायगड, अन् सिंधुदुर्ग जिल्ह्याना मुसळधार पाऊस होईल, असा अंदाज आहे. त्यासोबतच घाटमाथा परिसराला धुव्वाधार पावसाचा येलो अलर्ट देण्यात आला आहे. त्यामुळे कोकणासह घाटमाथा परिसर आणि पश्चिम महाराष्ट्रातील काही जिल्ह्यात जोरदार पावसाचा अंदाज कुलाबा वेधशाळेने दिला आहे. जळगावला मात्र कोणताच इशारा दिलेला नाही.
या १४ ठिकाणी मुसळधार
२१ ते २३ सप्टेंबर दरम्यान अतिमुसळधार पाऊस कोसळणार आहे. त्यामध्ये पुढील १४ जिल्ह्याच्या ठिकाणांना येलो अलर्ट जारी करण्यात आला आहे. त्यात रायगड, रत्नागिरी, सिंधुदुर्ग, पुणे, पुणे घाट, कोल्हापूर घाट, कोल्हापूर, सातारा, सातारा घाट, सांगली, सोलापूर, नांदेड, लातूर, धाराशिव या जिल्हयांना अतिमुसळधार पावसाचा येलो अलर्ट कुलाबा वेधशाळेने दिला आहे. एकंदरीत आपत्ती व्यवथापन विभागाने येथील नागिरकांना सतर्कतेचा इशारा दिला आहे. त्यामुळे परतीचा पाऊस पुन्हा धुमाकूळ घालण्याची शक्यता आहे.
उद्या या ठिकाणी मुसळधार पावसाचा इशारा
राज्यातील काही भागात दुष्कळसदृश्य परिस्थिती आहे. शेतकऱ्यांची पिके करपली आहे. काही ठिकाणी पाण्याअभावी पिके सुकली आहे. त्यामुळे शेतकऱ्यांचे मोठे नुकसान झाले आहे. त्यामुळे शेतकऱ्यांसमोर दुबार पेरणीचे संकट उभे राहिले आहे. उद्या चंद्रपूर, गडचिरोली, गोंदिया, नागपूर, वर्धा, भंडारा, अमरावती, हिंगोली, बीड, परभणी, अहिल्यानगर या १२ जिल्ह्यांना येलो अलर्ट दिला आहे.
उत्तर महाराष्ट्रात अंदाज असा
उत्तर महाराष्ट्रातील नाशिकला २१ सप्टेंबर वगळता पुढेही दोन दिवस हलका पाऊस सांगितला आहे. २१ ते २३ सप्टेंबरला जळगाव, धुळे , नंदुरबाराला हलका आणि मध्यम सरी कोसळतील असा अंदाज आहे. अहिल्यानगराला २१ सप्टेंबरला मुसळधार पाऊस बरसेल उर्वरित पुढील दोन दिवस हलक्या पावसाची शक्यता आहे.
