New Delhi: मंगळवारी रात्री आलेल्या भूकंपाचा केंद्र बिंदू झारखंड चमोली असला तरी त्याचा परिणाम दिल्ली तसेच नोएडा, गुरुग्राम, गाझियाबाद आणि आसपासच्या परिसरात जाणवल्याचे वृत्त आहे. यानंतर नागरिक एकमेकांची विचारपूस करत होते. उत्तराखंडमध्येही भूकंपाचे धक्के जाणवले. प्राथमिक माहितीनुसार, भूकंपाची तीव्रता ४.९ होती. भूकंपाचा केंद्रबिंदू उत्तराखंडमधील खदून लगा ग्वालीपासून सुमारे २२ किलोमीटर अंतरावर असल्याचे सांगण्यात येत आहे.
दरम्यान राष्ट्रीय भूकंपशास्त्र केंद्राच्या माहितीनुसार, भूकंपाची नोंद मंगळवारी रात्री १०:२३:१३ वाजता झाली. भूकंपाचा केंद्रबिंदू उत्तराखंडमधील चमोली येथे १३ किलोमीटर खोलीवर होता. त्याची तीव्रता ४.९ मोजण्यात आली. भूकंपाचे अक्षांश ३०.१०३ उत्तर आणि रेखांश ७९.५६१ पूर्व होते. असे सांगण्यात आले.
खरे तर, उत्तराखंड हे हिमालयीन प्रदेशात येते, जिथे भूकंपाचा जास्त धोका संभवतो. त्यामुळे, तिथे भूकंपाचे धक्के जाणवणे असामान्य मानले जात नाही. तथापि, जेव्हा भूकंपाचे धक्के दिल्लीसारख्या मैदानी भागात पोहोचतात, तेव्हा लोक अधिक घाबरतात. कोणत्याही मोठ्या नुकसानीची किंवा जीवितहानीची अद्याप अधिकृतपणे माहिती समोर आलेली नाही.
