Iran America War: अमेरिकेचे राष्ट्राध्यक्ष डोनाल्ड ट्रम्प यांनी सोमवारी दावा केला की, इराणसोबतच्या संघर्षात अमेरिकेचा विजय होताच तेलाच्या किमतीत मोठी घसरण होईल; त्यांनी असा अंदाज वर्तवला की इंधनाचे दर प्रति गॅलन दोन डॉलर्सच्या खाली येऊ शकतात.आपल्या ‘ट्रुथ सोशल’ (Truth Social) प्लॅटफॉर्मवरील एका पोस्टमध्ये, ट्रम्प यांनी ऊर्जेच्या वाढत्या खर्चाचा थेट संबंध मध्य पूर्वेतील चालू असलेल्या लष्करी कारवायांशी जोडला आणि असा दावा केला की युद्धानंतर बाजारपेठा वेगाने स्थिर होतील.
ट्रम्पचा दावा
राष्ट्रपती ट्रम्प म्हणाले की, “जेव्हा आपण इराणसोबतचे युद्ध जिंकू, तेव्हा इतर सर्व गोष्टींच्या किमतींप्रमाणेच तेलाच्या किमतीतही प्रचंड घसरण होईल,” असे ट्रम्प यांनी लिहिले. “किंमत प्रति गॅलन तीन डॉलर्सवर येईल, पण अखेरीस ती प्रति गॅलन दोन डॉलर्सच्या खाली जाईल.” ट्रम्प यांनी आपला हा इशारा पुन्हा एकदा अधोरेखित केला की, अमेरिका इराणला अणुशस्त्र मिळवू देणार नाही. असे स्पष्ट केले. “हे सर्व वेगाने घडेल आणि इराणकडे कधीही अणुशस्त्र असणार नाही. MAGA (मेक अमेरिका ग्रेट अगेन)!” असेही त्यांनी नमूद केले आहे, असे एएनआय वृत्तसंस्थने म्हटले आहे.
मोहम्मद बागेर घलिबाफ यांचा इशारा
इराणच्या संसदेचे अध्यक्ष मोहम्मद बागेर घलिबाफ यांनी सोमवारी वॉशिंग्टनला कडक इशारा दिला. इराणच्या ऊर्जा प्रकल्पांविरुद्ध कोणतीही चुकीची कृती केल्यास त्याचे गंभीर परिणाम भोगावे लागतील, असा इशारा त्यांनी ‘एक्स’ (X) वरील एका पोस्टमध्ये दिला असून त्यांनी म्हटले की, इराणची तेल आणि वायू उत्पादन साखळी “विस्तृत, सहज पोहोचण्यायोग्य आणि असुरक्षित (खुली)” आहे. असे म्हणणे वेडेपणाचे आहे.
त्यांनी पुढे म्हटले, “या जलक्षेत्रातील आणि प्रकल्पांमधील अमेरिकन तेल आणि वायू कंपन्यांनाही असाच धोका आहे. आमच्या मालमत्तेवर हल्ला कराल तर तुम्हालाही प्रत्युत्तर मिळेल. आम्ही हे यापूर्वीच सिद्ध केले आहे. आता अस्तित्वात नसलेल्या तळांवरून विचार करा” ‘एक्स’वरील पोस्टसोबत शेअर केलेल्या एका प्रतिमेमध्ये घलिबाफ म्हणाले, “अमेरिकेच्या अर्थव्यवस्थेचे ‘हरवलेले दशक’आता सुरू होत आहे.
