Gulabrao Patil : जिल्हा परिषद निवडणूक प्रचारासाठी लातूर दौऱ्यावर गेलेले पाणीपुरवठा मंत्री गुलाबराव पाटील यांचे लातूर विमानतळावरून होणारे उड्डाण अचानक रद्द झाले. दरम्यान, मंत्री गुलाबराव पाटील यांना अखेरीस रस्ते मार्गाने प्रवास करावा लागल्याची माहिती पायलटने दिली.
जिल्हा परिषद निवडणूक प्रचारासाठी मंत्री पाटील हे विमानाने लातूरला गेले होते. दरम्यान, परतीच्या वेळी पायलटने मंत्र्यांना घेऊन उड्डाणाची तयारी केली. विमान धावपट्टीवरून धावले, मात्र ते परत आले. पुन्हा दुसऱ्यांदा उड्डाणाचा प्रयत्न केला गेला. मात्र विमान परत फिरले. परिणामी विमान दोनवेळा धावपट्टीवरून परत आल्याने काही काळ संभ्रम निर्माण झाला होता.
अखेरीस रस्ते मार्गाने प्रवास
निर्धारित वेळेच्या सुमारासच खासगी विमानाने उड्डाणाची तयारी केली. दृष्यमानता होती. तरीही धावपट्टीवरून दोनवेळा विमान पायलटने परत आणले. अखेरीस टेकऑफ होत नसल्याने मंत्री गुलाबराव पाटील यांना रस्ते मार्गाने प्रवास करावा लागल्याची माहिती पायलटने दिली.
(आपल्या परिसरातील सामाजिक, राजकीय, शैक्षणिक, क्रीडा, धार्मिकसह विविध क्षेत्रातील बातमी प्रसिद्धीसाठी “डिजिटल शौर्य मराठी”च्या 703038505 या क्रमांकवर पाठवावी.)
