LPG Shortage Action: सध्या पश्चिम आशियातील भू-राजकीय परिस्थिती अस्थिर असूनही, सरकारने देशांतर्गत एलपीजी आणि पीएनजी पुरवठ्याला प्राधान्य दिले आहे, विशेषतः रुग्णालये आणि शैक्षणिक संस्थांसाठी, पुरेसा पुरवठा केला जात आहे. सरकारने पुरवठा आणि मागणी या दोन्ही बाजूंनी अनेक उपाययोजना लागू केल्या आहेत. अंमलबजावणी आणि देखरेख कार्यवाही सुरू असून एलपीजी सिलेंडरचा काळाबाजार बाजार करून कुत्रिम टंचाई निर्माण करण्याऱ्या कारवाई सुरू आहे. त्यात २२९ व्यक्तींना अटक करून गुन्हे दाखल करण्यात आल्याचे केंद्र सरकारने सांगितले आहे. पेट्रोलियम मंत्र्यालायासह विविध विभागाच्या अधिकाऱ्यांनी पत्रकार परिषद घेऊन माध्यमांना माहिती दिली.
दरम्यान अतिरीक्त एलपीजी सिलेंडरची व्यवस्था केल्यानंतर ही गॅस सिलेंडरच्या पुरवठ्याबाबत तक्रारी येत आहे. एलपीजीची साठेबाजी आणि काळाबाजार रोखण्यासाठी देशभरात कारवाई सुरू आहे. ९ एप्रिल रोजी देशभरात ३८०० पेक्षा जास्त छापे टाकण्यात आले, आणि सुमारे ४५० सिलिंडर जप्त करण्यात आले. आजपर्यंत सुमारे १ लाख २० हजार छापे टाकण्यात आले आहेत, ५७,००० हून अधिक सिलिंडर जप्त करण्यात आले आहेत, ९५० पेक्षा जास्त एफआयआर नोंदवण्यात आल्या आहेत आणि २२९ व्यक्तींना अटक करण्यात आली आहे.
एलपीजी पुरवठा घरगुती एलपीजी पुरवठ्याची स्थिती: सध्याच्या भू-राजकीय परिस्थितीमुळे एलपीजी पुरवठ्यावर परिणाम होत आहे. एलपीजी वितरकांकडे साठा संपल्याची कोणतीही तक्रार आलेली नाही. व्यावसायिक एलपीजी पुरवठा आणि वाटप उपाययोजना: एकूण व्यावसायिक एलपीजी वाटप संकटपूर्व पातळीच्या सुमारे 70% पर्यंत वाढवण्यात आले आहे, यात 10% सुधारणा-संबंधित वाटपाचा समावेश आहे.
९ एप्रिल रोजी, देशभरात १ लाख १० हजारा पेक्षा जास्त ५ किलोच्या मुक्त व्यापार सिलिंडरची विक्री झाली, तर फेब्रुवारी-२०२६ महिन्यात सरासरी दररोज ७७००० सिलिंडरची विक्री होत होती, अशी माहिती केंद्र सरकारतर्फे शुक्रवारी माध्यमांना देण्यात आली.
