America And Iran Conflict: इराणच्या सरकारी प्रसारमाध्यमांनी दिलेल्या वृत्तानुसार, इराणने या होर्मूझ क्षेत्रातील अमेरिकन सैन्याविरुद्ध प्रतिहल्ले सुरू केल्याचे म्हटले आहे. ‘इस्लामिक रिव्होल्युशनरी गार्ड कॉर्प्स’ने (IRGC) कुवेत, बहरीन आणि जॉर्डन येथील तळांवर हल्ले केल्याचा दावा केला आहे. अमेरिकेने गुरुवारी रात्री उशिरा हवाई हल्ल्यांची दुसरी फेरी सुरू केल्यानंतर लगेच इराणने हे प्रतिहल्ले केले आहे. बहरीन हे अमेरिकेच्या नौदलाच्या ‘५ व्या फ्लीट’चे (5th Fleet) मुख्यालय आहे. या कारवाईनंतर अमेरिका आणि इराण यांच्यात तणाव वाढला आहे, त्यामुळे आता होर्मूझ सामुद्रधुनी वाहतुकीसाठी बंद झाली आहे. तणाव वाढल्याने युद्ध आणखी भडकण्याची शक्यता आहे. America And Iran Conflict:
वॉशिंग्टन आणि तेहरान यांच्यातील वाढत्या तणावाच्या पार्श्वभूमीवर, अमेरिकेच्या लष्कराच्या ‘सेंट्रल कमांड’ने (CENTCOM) इराणमधील अनेक ठिकाणांवर हल्ले केल्याची घोषणा केल्यानंतर हा तणाव अधिकच वाढला. अमेरिकेने केलेली ही “स्वसंरक्षणार्थ” केल्याचे स्पष्ट केले आहे. या हल्ल्याने इराण खवळा असून अमेरिकेच्या पश्चिम आशियातीळ या क्षेत्रात असलेल्या तळांना इराण लक्ष करत आहे, असा दावा (IRGC) ‘आयआरजीसी’ने केला आहे. असे वृत्त अल जंजिराने दिले आहे.
अमेरिकेचे राष्ट्राध्यक्ष डोनाल्ड ट्रम्प यांनी यापूर्वीच इशारा दिला होता की, पुढील लष्करी कारवाई अटळ आहे; त्यांनी इराणवर वॉशिंग्टनसोबत करार करण्यात अपयशी ठरल्याचा आरोप केला होता. “त्यांच्यासाठी अत्यंत फायदेशीर ठरणारा करार करण्याबाबत त्यांनी खूप वेळ लावला; आता त्यांना त्याची किंमत मोजावी लागेल,” असे ट्रम्प (Trump) म्हणाले.
इराणवर अमेरिकेचे हल्ले ( America And Iran Conflict)
अमेरिकेचे संरक्षण मंत्री पीट हेगसेथ यांनी दुजोरा दिला की, वॉशिंग्टन इराणमधील “महत्त्वाच्या सुविधांवर” हल्ले करत आहे. हे हल्ले कायमस्वरूपी युद्धविराम घडवून आणण्याच्या प्रयत्नांचाच एक भाग असल्याचे त्यांनी सांगितले. फ्लोरिडातील टँपा येथील (CENTCOM) मुख्यालयाबाहेर बोलताना हेगसेथ म्हणाले की, राष्ट्राध्यक्ष डोनाल्ड ट्रम्प यांनी इराणवर हल्ले करण्याचे आदेश दिले आहेत आणि गरज पडल्यास हे हल्ले सलग दुसऱ्या रात्रीही सुरू राहू शकतात, असा इशाराही त्यांनी दिला.
होरमुझची सामुद्रधुनी बंद
अमेरिकेच्या हल्ल्यांच्या पार्श्वभूमीवर, इराणच्या सर्वोच्च लष्करी नेतृत्वाने होर्मूझ सामुद्रधुनी पूर्णपणे बंद करण्याची घोषणा केली. हा जगातील सर्वात महत्त्वाच्या तेल वाहतूक मार्गांपैकी एक आहे. त्यामुळे शेकडो टँकर्स या समुद्रधुनीत अडकून पाळी आहे. त्यामुळे इराणच्या अधिकाऱ्यांनी सर्व जहाजांना या महत्त्वाच्या जलमार्गापासून दूर राहण्याचा इशारा दिला असून या मार्गातून जाण्याचा प्रयत्न करणाऱ्या कोणत्याही जहाजावर हल्ला होऊ शकतो. असा इशारा दिला आहे.
संरक्षित ठिकाणांना केले टार्गेट
अमेरिकेच्या हल्ल्यांमुळे पायाभूत सुविधांचे नुकसान झाल्यानंतर १२ तासांच्या आतच सिरिक (Sirik) काउंटीमधील बाधित वस्त्यांचा पाणीपुरवठा पूर्ववत करण्यात आल्याचे इराणच्या होर्मोजगन प्रांतातील अधिकाऱ्यांनी सांगितले. इराणच्या प्रसारमाध्यमांनी दिलेल्या वृत्तानुसार, या हल्ल्यांमध्ये काँक्रीटच्या दोन पाणी साठवण टाक्यांना लक्ष्य करण्यात आले होते. न्यूयॉर्क टाइम्सच्या एका विश्लेषणानुसार, रणगाड्यांवर अचूक लक्ष्यभेदी दारुगोळ्याने हल्ला झाला असावा, ज्यामुळे चिंता वाढली आहे, कारण आंतरराष्ट्रीय मानवतावादी कायद्यानुसार नागरी जल पायाभूत सुविधांना संरक्षित स्थळ मानले जाते.
पुन्हा सुरू झालेल्या संघर्षावर तेहरानची प्रतिक्रिया, तेहरानमधून वृत्त देताना, अल जझीराचे मोहम्मद वल म्हणाले की, वाटाघाटींच्या चर्चेला पुन्हा सुरुवात झाली असली तरी, अनेक इराणी नागरिक अमेरिकेच्या आणखी एका हल्ल्याची अपेक्षा करत होते. “ते अमेरिकेच्या अनपेक्षित हल्ल्याची वाट पाहत होते लष्करी कमांडरांच्या म्हणण्यानुसार, तेहरानने कुवेत आणि बहरीनमधील अमेरिकेच्या तळांवर हल्ला करून प्रत्युत्तर दिले, असेही त्यांनी सांगितले. हल्ल्यांची मागील फेरी संपली असल्याचे दोन्ही बाजूंनी सुचवल्यानंतर ही संघर्षाची परिस्थिती पाहायला मिळाली आहे.
