Nashik News: मुंबई-नाशिक महामार्गावर शहापूर तालुक्यातील आटगाव येथे भीषण अपघाताता इर्टीगा कारमधील चार जणांचा मृत्यू झाला, तर सहा जण जखमी झाले आहे. रस्त्याच्या कडेला उभ्या असलेल्या ट्रकला इर्टिगा कारने जोरदार धडक दिल्याने हा अपघात घडला. जखमींना तातडीने शहापूर उपजिल्हा रुग्णालयात उपचारासाठी दाखल करण्यात आले आहे.
मिळालेल्या माहितीनुसार, त्र्यंबकेश्वर येथे दर्शन घेऊन मुंबईच्या दिशेने जात असतांना. आटगाव परिसरात रस्त्याच्या कडेला उभ्या असलेल्या वाहनाला इर्टिगा कारने जोरदार धडक दिली. या भीषण या अपघातात चार जणांचा जागीच मृत्यू झाल्याची माहिती आहे, तर सहा जण जखमी झाले आहेत. आयुष जैस्वाल, श्रीराम जैस्वाल, लाडो जैस्वाल आणि सुरज जैस्वाल अशी मृतांची नावे आहेत. तर, सुभी जैस्वाल, शिवम जैस्वाल, हाशिक जैस्वाल, सुनीता जैस्वाल, राधिका जैस्वाल आणि सतीश जैस्वाल हे सहा जण जखमी असून त्यांच्यावर रुग्णालयात उपचार सुरू आहेत.
दरम्यान, या घटनेची माहिती मिळताच पोलीस घटनास्थळी दाखल होत, स्थानिक नागरिक आणि संबंधित यंत्रणांनी मदत कार्य करत जखमींना उपचारासाठी शहापूर उपजिल्हा रुग्णालयात दाखल केले. संबधीत इर्टिगा कार जोगेश्वरी येथील असल्याची प्राथमिक माहिती आहे.
