Indian Railways : भारतीय रेल्वेने प्रवाशांचा प्रवास अधिक सुरक्षित, आरामदायक आणि पारदर्शक करण्यासाठी गेल्या काही महिन्यांत अनेक महत्त्वाचे नियम लागू केले आहेत. नेमके काय बदल केले आहेत, जाणून घेऊया.
तत्काल तिकीटासाठी आधार अनिवार्य
तत्काल तिकीटांमधील गैरप्रकार रोखण्यासाठी रेल्वेने आता आधार कार्ड बंधनकारक केले आहे. IRCTC वेबसाइट किंवा मोबाईल अॅपवरून तिकीट बुक करण्यासाठी IRCTC खाते आधारशी लिंक असणे आवश्यक आहे. ज्यांचे आधार व्हेरिफिकेशन पूर्ण झालेले नाही, त्यांना तत्काल तिकीट बुक करता येणार नाही.
एजंट बुकिंगवर निर्बंध
सामान्य प्रवाशांना तिकीट मिळण्याची संधी वाढवण्यासाठी रेल्वेने एजंट बुकिंगवर वेळेची मर्यादा घातली आहे.
- AC कोचसाठी एजंट बुकिंग सकाळी 10.30 नंतर
- नॉन-AC (स्लीपर) साठी सकाळी 11.30 नंतर
तत्काल विंडो सुरू झाल्यानंतर पहिले 30 मिनिटे एजंट बुकिंग करता येणार नाही. त्यामुळे सामान्य प्रवाशांना थेट तिकीट मिळण्याची शक्यता वाढणार आहे.
कन्फर्म तिकीटाशिवाय प्रवास बेकायदेशीर
रेल्वेने स्पष्ट केले आहे की कन्फर्म तिकीटाशिवाय प्रवास करणे बेकायदेशीर आहे. काउंटर तिकीट असो किंवा ऑनलाइन तिकीट वेटिंग किंवा रद्द तिकीटावर प्रवास केल्यास दंड आकारला जाऊ शकतो किंवा प्रवाशाला ट्रेनमधून उतरवले जाऊ शकते.
रिझर्व्हेशन चार्ट वेळेत बदल
आता ट्रेन सुटण्यापूर्वी किमान 10 तास आधी रिझर्व्हेशन चार्ट तयार केला जाणार आहे. यापूर्वी ही मर्यादा 4 तास आणि नंतर 8 तास होती. या बदलामुळे वेटिंग तिकीटधारकांना तिकीट कन्फर्म झाले की नाही हे आधीच कळेल आणि पर्यायी प्रवासाची योजना करता येईल.
सामान मर्यादा निश्चित
विमानप्रवासाप्रमाणेच रेल्वेतही आता कोचप्रमाणे सामान मर्यादा ठरवण्यात आली आहे.
- फर्स्ट AC – 70 किलो
- सेकंड AC – 50 किलो
- थर्ड AC / स्लीपर – 40 किलो
- जनरल कोच – 30 किलो
मर्यादेपेक्षा जास्त सामान असल्यास अतिरिक्त शुल्क आकारले जाऊ शकते किंवा कारवाई होऊ शकते.
बोर्डिंग स्टेशनवर न चढल्यास सीट रद्द
जर प्रवासी आपल्या बोर्डिंग स्टेशनवर ट्रेनमध्ये चढला नाही, तर त्याची सीट थेट RAC किंवा वेटिंग तिकीटधारकाला देण्यात येईल. याआधी TTE पुढील स्टेशनपर्यंत प्रतीक्षा करत होते, मात्र आता ही सवलत काढून टाकण्यात आली आहे. दरम्यान, भारतीय रेल्वेचे हे नवे नियम प्रवाशांसाठी अधिक पारदर्शकता आणि सोयीस्कर प्रवास सुनिश्चित करण्याच्या दिशेने महत्त्वाचे पाऊल मानले जात आहे.
(आपल्या परिसरातील सामाजिक, राजकीय, शैक्षणिक, क्रीडा, धार्मिकसह विविध क्षेत्रातील बातमी प्रसिद्धीसाठी “डिजिटल शौर्य मराठी”च्या 7030385085 या क्रमांकवर पाठवावी.)
