ABH Healthcare IPO : गुंतवणूकदारांसाठी एक आनंदाची बातमी आहे. पंजाबमधील ‘अनिल बाघी हॉस्पिटल’ या ब्रँडअंतर्गत मल्टिस्पेशालिटी आरोग्यसेवा देणाऱ्या ABH Healthcare Limited चा प्रारंभिक समभाग विक्री अर्थात IPO येत्या 24 ऑगस्ट 2026 रोजी खुला होणार आहे. 27 ऑगस्टपर्यंत या IPO मध्ये गुंतवणूक करता येणार असून कंपनीचे समभाग NSE SME प्लॅटफॉर्मवर सूचीबद्ध होण्याची शक्यता आहे. प्रस्तावित लिस्टिंगची तारीख 1 सप्टेंबर 2026 आहे.
कंपनीने IPO साठी 96 ते 102 रुपये प्रति इक्विटी शेअर असा किंमत पट्टा निश्चित केला आहे. या इश्यूद्वारे कंपनी 34.98 कोटी रुपये उभारणार असून हा संपूर्ण इश्यू फ्रेश इश्यू आहे. एकूण 34,29,600 इक्विटी शेअर्स विक्रीसाठी उपलब्ध असतील.
GMP मुळे IPO चर्चेत
IPO खुला होण्यापूर्वीच ABH Healthcare च्या शेअर्सना अनधिकृत ग्रे मार्केटमध्ये चांगला प्रतिसाद मिळत असल्याचे संकेत आहेत. सध्या ऑफलाइन ग्रे मार्केट प्रीमियम अर्थात GMP सुमारे 27 ते 30 रुपये प्रति शेअर असल्याचे सांगितले जात आहे.
102 रुपयांच्या अपर प्राइस बँडच्या तुलनेत हा प्रीमियम सुमारे 26.5 ते 29.4 टक्के आहे. त्यामुळे IPO ला गुंतवणूकदारांकडून मिळणाऱ्या संभाव्य प्रतिसादाबाबत बाजारात उत्सुकता निर्माण झाली आहे. मात्र, GMP हा अनधिकृत बाजारातील संकेत असून तो प्रत्यक्ष लिस्टिंग गेन किंवा शेअरच्या भविष्यातील कामगिरीची हमी देत नाही.
IPO चे महत्त्वाचे मुद्दे
-IPO खुला: 24 ऑगस्ट 2026
-IPO बंद: 27 ऑगस्ट 2026
-प्राइस बँड: 96 ते 102 रुपये प्रति शेअर
-इश्यू साइज: 34.98 कोटी रुपये
-फ्रेश इश्यू: 34,29,600 इक्विटी शेअर्स
-लॉट साइज: 1,200 शेअर्स
किरकोळ गुंतवणुकीसाठी -किमान अर्ज: 2 लॉट / 2,400 शेअर्स
-अपर प्राइस बँडवर किमान गुंतवणूक: सुमारे 2.45 लाख रुपये
-ऑफलाइन GMP: 27 ते 30 रुपये प्रति शेअर*
-प्रस्तावित लिस्टिंग: 1 सप्टेंबर 2026
-प्लॅटफॉर्म: NSE SME
-बुक रनिंग लीड मॅनेजर: Fedex Securities Pvt. Ltd.
-रजिस्ट्रार: Bigshare Services Pvt. Ltd.
किरकोळ गुंतवणूकदारांसाठी किती रक्कम लागणार?
ABH Healthcare IPO मध्ये एका लॉटमध्ये 1,200 शेअर्स असतील. किरकोळ गुंतवणूकदारांना किमान 2 लॉट म्हणजेच 2,400 शेअर्ससाठी अर्ज करावा लागणार आहे.
102 रुपये प्रति शेअर या अपर प्राइस बँडनुसार दोन लॉटसाठी गुंतवणूक सुमारे 2.45 लाख रुपये इतकी होईल. त्यामुळे या IPO मध्ये किरकोळ गुंतवणूकदारांसाठी आवश्यक असलेली किमान गुंतवणूक तुलनेने मोठी आहे.
कंपनी IPO मधून मिळणाऱ्या निधीतून सुमारे 17 कोटी रुपये विद्यमान कर्जाची परतफेड किंवा प्रीपेमेंट करण्यासाठी वापरले जाणार आहेत. याशिवाय 5 कोटी रुपये कार्यकारी भांडवलाच्या गरजा भागवण्यासाठी वापरण्याचे कंपनीचे नियोजन आहे.
150 बेडचे हॉस्पिटल, 25 वैद्यकीय शाखांमध्ये सेवा
2021 मध्ये स्थापन झालेली ABH Healthcare ‘अनिल बाघी हॉस्पिटल’ या नावाने आरोग्यसेवा पुरवते. कंपनीचे 150 बेडचे मल्टिस्पेशालिटी हॉस्पिटल असून येथे सुमारे 25 वैद्यकीय शाखांमध्ये उपचार सुविधा उपलब्ध आहेत. कार्डियाक सायन्सेस, न्यूरोलॉजी, गॅस्ट्रोएन्टेरोलॉजी, लॅप्रोस्कोपिक आणि बॅरिएट्रिक सर्जरी, युरोलॉजी, पल्मोनोलॉजी, नेफ्रोलॉजी, ENT तसेच मॅक्सिलोफेशियल सर्जरी यांसारख्या विविध क्षेत्रांमध्ये सेवा देते.
कंपनीकडे 30 खासगी व सार्वजनिक आरोग्य विमा कंपन्या आणि थर्ड पार्टी अॅडमिनिस्ट्रेटर्ससोबत एम्पॅनेलमेंट आहे. याशिवाय ECHS, रेल्वे, FCI, BSNL आणि आयुष्मान भारत सरबत सेहत बीमा योजना यांसारख्या सरकारी आरोग्य योजनांमध्येही हॉस्पिटल सहभागी आहे.
(Disclaimer: GMP हा अधिकृत बाजारभाव नसल्याने कोणतीही गुंतवणूक करताना तज्ज्ञांचा सल्ला घ्या.)
