Sports News: पॅरा आशियाई क्रीडा स्पर्धेत उत्कृष्ट कामगिरी करत नाशिकच्या सुपुत्राने सुवर्णपदक जिंकले आहे. भारताच्या दिलीप गवीतने पॅरा आशियाई क्रीडा स्पर्धेत पुरुषांच्या १०० मीटर टी ४७ प्रकारात सुवर्णपदक मिळवले. तर, मोहम्मद मोरसिंगनाकतथ याने रौप्यपदक पटकावले आहे. गावीतने १०.६९ सेकंदांची वेळ नोंदवून सुवर्णपदक जिंकले. मोरसिंगनाकथ याने १०.७२ सेकंदांची वेळ नोंदवली. चीनच्या कांगजून शीने १०.८० सेकंदांची वेळ नोंदवून कांस्यपदक जिंकले.
पॅरा आशियाई खेळात टी४७ हा प्रकार अशा खेळाडूंसाठी आहे ज्यांच्या शरीराच्या वरच्या भागाची एक बाजू अपंग आहे, ज्यामुळे त्यांना संतुलन आणि समन्वय साधण्यात सौम्य ते मध्यम स्वरूपाच्या अडचणी येतात. महाराष्ट्रातील नाशिक जिल्ह्याजवळील तोरण डोंगरी आदिवासी भागातील छोट्या गावात जन्मलेला दिलीप एक सामान्य शेतकरी कुटुंबातील आहे. त्याचे बालपण शेतात आई-वडिलांना मदत करण्यात गेले. त्यावेळी कोणालाही वाटले नसेल की दिलीप एकेदिवशी देशासाठी सुवर्णपदक जिंकून इतिहास घडवेल.
एका अपघाताने बदलले जीवन
दिलीप फक्त पाच-सहा वर्षांचा होता. गावात खेळत असताना तो अंब्याच्या झाडावरून पडला. या पडण्यामुळे त्याच्या उजव्या हाताला गंभीर इजा झाली. गावात वैद्यकीय सुविधांचा अभाव असल्याने वेळेवर उपचार मिळू शकले नाहीत. हळूहळू, त्या जखमेत गँगरीन पसरले आणि डॉक्टरांना त्याचा कोपराखालील हात कापावा लागला. इतक्या लहान वयात हात गमावणे हे कोणत्याही मुलासाठी आयुष्यभराचे दुःख असू शकले असते, पण दिलीपने आपल्या दुर्बलतेला आपली ताकद बनवून आयुष्याचा प्रवास सुरू केला.
गावातील धावण्याचा ट्रॅक बनले.
दिलीपने आपला हात गमावल्यानंतरही आत्मविश्वास डगमगू दिला नाही. कोणत्याही आधुनिक सुविधांशिवाय, गावातील कच्च्या रस्त्यांवर तो रोज सराव करत करत राहिला. ॲथलेटिक्स प्रशिक्षक वैजनाथ काळे यांनी त्याची प्रतिभा सर्वप्रथम ओळखली. त्यांनी केवळ त्याची प्रतिभा ओळखली नाही, तर त्याच्या कुटुंबालाही आपल्या मुलाला खेळात उत्कृष्ट कामगिरी करण्याची संधी देण्यास प्रोत्साहन दिले. सुरुवातीच्या काळात, त्यांनी दिलीपच्या प्रशिक्षणाची, राहण्याची आणि इतर खर्चाची जबाबदारीही उचलली.
त्याला सामान्य खेळाडूंशी स्पर्धा करायची
दरम्यान दिलीपची सर्वात मोठी ताकद त्याची मानसिक कणखरता होती. सुरुवातीला पॅरा-ॲथलीट्समध्ये भाग घ्यायचा नव्हता. जर त्याला स्वतःला सिद्ध करायचे असेल तर, आधी सामान्य खेळाडूंशी स्पर्धा केली पाहिजे. तो अंडर-१८ राष्ट्रीय चॅम्पियनशिपच्या २०० मीटर अंतिम फेरीत पोहोचला. त्याने खेलो इंडिया युवा खेळांमध्ये महाराष्ट्राच्या ४ बाय १०० मीटर रिले संघासोबत पदकही जिंकले. दिलीपने अनेक आव्हानावर मात केली. त्याची जिद्द आणि मेहनत बघून त्याच्या प्रशिक्षकाच्या सल्ल्यानुसार, दिलीपने पॅरा-ॲथलेटिक्समध्ये प्रवेश केला आणि येथूनच
