आंध्र प्रदेशला ‘मुरासू’ चक्रीवादळाचा इशारा; ‘या’ राज्यांना पावसाचा अलर्ट

Latest Weather News: गेल्या २४ तासांतील हवामान असे असून:किनारी आंध्र प्रदेश, यानम आणि लगतच्या तेलंगणामध्ये तुरळक ठिकाणी मुसळधार पावसाची शक्यता आहे. ४ नोव्हेंबर २०२६ रोजी किनारी आंध्र प्रदेश आणि यानमच्या काही भागांमध्ये अतिवृष्टीची इशारा दिला आहे. याव्यतिरिक्त, ३ नोव्हेंबर रोजी रायलसीमा आणि दक्षिण ओडिशामध्ये, आणि ३ व ४ नोव्हेंबर रोजी दक्षिण छत्तीसगडच्या काही भागांमध्ये मुसळधार पावसाची शक्यता वर्तविली आहे. २४ तासात किनारी आंध्र प्रदेशमध्ये १२ ते २१ सेंमी अतिवृष्टी झाली आहे. तर तामिळनाडूमध्ये ७ ते ११ सेंमी मुसळधार पावसाची नोंद झाली आहे.

हवामान अंदाज

दरम्यान, पश्चिम-मध्य आणि लगतच्या नैऋत्य बंगालच्या उपसागरावरील ‘मुरसू’ या तीव्र चक्रीवादळानं ३ नोव्हेंबर २०२६ रोजी भारतीय वेळेनुसार पहाटे ०३:३० ते ०५:३० दरम्यान ओंगोलेजवळ दक्षिण आंध्र प्रदेशचा किनारा ओलांडला. या कालावधीत वाऱ्याचा वेग १०० ते ११० किमी प्रतितास होता, तर वाऱ्याचे झोत १२० किमी प्रति तासापर्यंत पोहोचले होते. गेल्या २४ तासात हे वादळ दक्षिण आंध्र प्रदेशच्या किनाऱ्याजवळ, १५.७° उत्तर अक्षांश आणि ८०.२° पूर्व रेखांशावर होते. ते ओंगोलेच्या सुमारे ३० किमी उत्तर-ईशान्येस, बापटलाच्या ४० किमी नैऋत्येस आणि कावलीच्या ९० किमी उत्तर-ईशान्येस होते. ते उत्तर-वायव्य दिशेने सरकण्याची आणि हळूहळू चक्रीवादळात रूपांतर होऊन वाऱ्याचा वेग ८० ते ९० किमी प्रति तास, झोत १०० किमी प्रति तासापर्यंत रूपांतरित होऊन कमकुवत होण्याची शक्यता आहे. त्यानंतर आज मध्यरात्रीपर्यंत ते आणखी कमकुवत होऊन तीव्र अवदाबामध्ये वाऱ्याचा वेग ५५ ते ६५ किमी प्रतितास होईल. तर झोत ७५ किमी प्रतितासापर्यंत रूपांतरित होण्याची शक्यता भारतीय हवामान विभागानं वर्तविली आहे.

‘या’ राज्यांना पावसाचा इशारा:

किनारपट्टीवरील आंध्र प्रदेश: ३ नोव्हेंबर रोजी बहुतांश ठिकाणी हलका ते मध्यम पाऊस, काही ठिकाणी मुसळधार ते अति मुसळधार पाऊस, तर काही विखुरलेल्या ठिकाणी अत्यंत मुसळधार पावसाची शक्यता आहे. ४ नोव्हेंबर रोजी काही ठिकाणी मुसळधार ते अति मुसळधार पावसाचा अंदाज आहे.

• उत्तर तामिळनाडू: ३ नोव्हेंबर रोजी अनेक ठिकाणी हलका ते मध्यम पाऊस आणि काही ठिकाणी मुसळधार पावसाची शक्यता आहे.
• दक्षिण ओडिशा: ३ नोव्हेंबर रोजी काही ठिकाणी हलका ते मध्यम पाऊस आणि काही विखुरलेल्या ठिकाणी मुसळधार पावसाची शक्यता आहे.
• रायलसीमा: ३ नोव्हेंबर रोजी अनेक ठिकाणी हलका ते मध्यम पाऊस आणि काही ठिकाणी मुसळधार पावसाची शक्यता आहे.
• तेलंगणा: ३ नोव्हेंबर रोजी बहुतांश ठिकाणी हलका ते मध्यम पाऊस, काही ठिकाणी मुसळधार ते अति मुसळधार पाऊस, तर पूर्व तेलंगणामध्ये काही ठिकाणी अत्यंत मुसळधार पावसाची शक्यता आहे. ४ नोव्हेंबर रोजी ईशान्य तेलंगणामध्येही काही ठिकाणी मुसळधार पावसाचा अंदाज आहे.
• छत्तीसगड: ३ ते ४ नोव्हेंबर दरम्यान अनेक ठिकाणी हलका ते मध्यम पाऊस आणि काही ठिकाणी मुसळधार पावसाची शक्यता आहे.