Bhusawal News: दिवाळी व छट सणाच्या कालावधीत रेल्वेला होणारी अतिरिक्त गर्दी लक्षात घेऊन मुंबईतील एलटीटी-नागपुर दरम्यान नाशिकरोडमार्गे अतिरिक्त विशेष गाड्या चालविण्यात येणार आहे. सणाच्या काळात प्रवाशांची सोय तसेच अतिरिक्त प्रवासी वाहतूक सुरळीत करण्याच्या उद्देशाने या गाड्या चालविण्यात येणार आहेत. त्यात चाळीसगावसह जळगाव, भुसावच्या प्रवाशांना सणासुदीच्या काळात मोठा दिलासा मिळणार आहे.
एलएलटीवरून ६ नोव्हेंबरपासून विशेष गाडी
१) एलटीटी-नागपूर विशेष गाडीच्या ८ सेवा राहणार आहे. गाड़ी क्रमांक ०१०८३ ही विशेष गाडी ६, ८,११, १३ नोव्हेंबर या कालावधीत एलटीटी येथून १७:०५ वाजता सुटेल आणि दुसऱ्या दिवशी नागपूर येथे ०७:०० वाजता पोहचेल. या गाडी क्रमांक ०१०८३ ही विशेष गाडी ५, ७, १०, १२ नोव्हेंबर या कालावधीत नागपूर येथून १३:३० वाजता सुटेल आणि दुसऱ्या दिवशी मुंबईला ०६:१५ वाजता पोहचेल. (४ सेवा)
गाडीला थांबे ठाणे, कल्याण, इगतपुरी, नाशिक रोड, चाळीसगांव, जळगाव, भुसावळ, मलकापूर, शेगाव, अकोला, बडनेरा, धामणगाव आणि वर्धा.तसेच डब्यांची रचना ही ४ वातानुकूलित व्दितीय श्रेणी, ८ वातानुकूलित तृतीय श्रेणी, ६ शयनयान श्रेणी आणि २ सामान्य व्दितीय श्रेणी अशी राहणार आहे.
मुंबई सीएसटी-नागपुर विशेष गाडी (४ सेवा)
गाडी क्रमांक ०१०८५ विशेष गाडी ही ७ आणि ९ नोव्हेंबरला मुंबई सीएसटीहून १५:२५ वाजता सुटेल आणि दुसऱ्या दिवशी नागपूर येथे ०७:०० वाजता पोहचेल. (२ सेवा) तर, ०१०८६ विशेष गाडी ८ आणि १० नोव्हेंबरला नागपूर येथून १३:३० वाजता सुटेल आणि दुसऱ्या दिवशी मुंबईला ०५:२५ वाजता पोहचेल. (२ सेवा)
गाडीला थांबे दादर, ठाणे, कल्याण, इगतपुरी, नाशिक रोड, चाळीसगांव, जळगाव, भुसावळ, मलकापूर, शेगाव, अकोला, बडनेरा, धामणगाव आणि वर्धा असे असून डब्यांची रचना ही २ वातानुकूलित व्दितीय श्रेणी, ६ वातानुकूलित तृतीय श्रेणी, ४ शयनयान श्रेणी, २ सामान्य द्वितीय श्रेणी आणि १ सामान्य द्वितीय श्रेणीचा समावेश आहे.
आरक्षण सुरू
वरील विशेष गाडीसाठी आरक्षण ४ नोव्हेंबरला पासून सर्व पीआरएस केंद्रांवर तसेच IRCTC संकेतस्थळावर सुरू झाले आहे. प्रवासी तिकीट आरक्षणासाठी रेलवन ॲपचा देखील वापर करू शकतात. या विशेष गाड्यांच्या विविध स्थानकांवरील आगमन व प्रस्थानाच्या सविस्तर वेळेसाठी NTES / भारतीय रेल्वे चौकशी संकेतस्थळाला भेट द्यावी किंवा NTES ॲप डाउनलोड करावे, असे आवाहन करण्यात आलं आहे.
