Mumbai News: मुंबईच्या महापौर रितू तावडे आणि इतर अधिकाऱ्यांना एक धमकीचा ईमेल पाठवण्यात आला आहे. या ईमेलमध्ये अभिनेते अमिताभ बच्चन आणि गायक दिलजीत दोसांझ यांचाही उल्लेख आहे. या ई-मेलमध्ये बिग बीं यांचा जलसा बंगला बॉम्बने उडवून देण्याची धमकी देण्यात आल्याने खळबळ उडाली आहे. तसेच प्रसिद्ध गायक दिलजीत दोसांझच्या २७ नोव्हेंबरच्या महालक्ष्मी येथे होणाऱ्या कॉन्सर्टमध्येही बॉम्बची धमकी देण्यात आली आहे. डीसीपी मनीष कलवानिया यांनी सांगितले की, बीएमसीला एक धमकीचा ईमेल आल्याची पुष्टी दिली आहे.
प्रसिद्ध अभिनेता टायगर श्रॉफ यांच्यावर मुंबईत काही दिवसांपूर्वी हल्ला करण्यात आला होता. त्यामुळे बॉलिवूडला पुन्हा एकदा दहशतीखाली आणण्याचा प्रयत्न झाला. हल्ल्याची जबाबदारी बिश्नोई गॅंगने घेतली होती. या प्रकरणी तिघांना अटक झाली. आज पुन्हा एकदा बॉलिवूडचा महानायक अमिताभ बच्चन त्यांच्या जलसा बंगल्याचा मेलमध्ये उल्लेख असून तो बॉम्बने उडवून देण्याची धमंकी दिल्याने खळबळ उडाली. एवढेच नाही तर, अभिनेता-गायक दिलजीत दोसांझ याचा ही कार्यक्रमाला बॉम्बने उडवण्याची धमकी मिळावी आहे. त्यामुळे सुरक्षा यंत्रणा सतर्क झाल्या असून या इमेलच्या धमकीच्या अनुषंगाने पोलिसांचा तपास सुरू आहे.
धमकीच्या ईमेलमध्ये काय?
२३ ऑक्टोबर रोजी सकाळी ११:३१ वाजता पाठवलेल्या ईमेलमध्ये, दुपारी ३:११ वाजता मुंबई महापौरांच्या कार्यालयावर बॉम्ब हल्ला करण्याची धमकी देण्यात आली आहे. तसेच, ३१ ऑक्टोबर रोजी मुंबईतील एका शाळेवर ग्रेनेड हल्ला आणि २७ नोव्हेंबर रोजी महालक्ष्मी रेसकोर्सवर बॉम्बस्फोट घडवण्याची धमकीही देण्यात आली आहे. या ईमेलमध्ये खलिस्तान समर्थक घोषणांचाही उल्लेख आहे. या धमकीच्या ईमेलची चौकशी सुरू आहे.
डीसीपी मनीष कलवानिया यांनी सांगितले की, बृहन्मुंबई महानगरपालिकेला (बीएमसी) एक धमकीचा ईमेल प्राप्त झाला होता. तपासात काहीही संशयास्पद आढळले नाही. याशिवाय, दादरमधील शाळांनाही धमक्या देण्यात आल्या आहेत.
